អ្នកប្រាជ្ញ ខុងជឺ កើតថ្ងៃទី ២៨ ខែកញ្ញា ៥៥១ មុនគ.ស ដល់ ៤៧៩ មុនគ.ស។ លោកក៏ជាមហាទស្សនវិទូចិនមួយរូបដ៏ល្បីល្បាញ ដែលបានបង្រៀន និងបន្សល់ទុកនូវទស្សនវិជ្ជាដ៏មានឥទ្ធិពលយ៉ាងជ្រាលជ្រៅចំពោះផ្នត់គំនិត និងជីវិតរស់នៅរបស់ប្រជាជនចិន កូរ៉េ ជប៉ុន និងវៀតណាមជាដើម។
![Related image](https://i0.wp.com/anarchak.com/wp-content/uploads/2018/01/maxresdefault-8.jpg)
គ្រប់ទស្សនវិជ្ជារបស់គាត់ បានបញ្ជាក់ពីចរិយាបុគ្គល និងការគ្រប់គ្រង ដោយសច្ចធម៌នៃទំនាក់ទំនងសង្គម យុត្តិធម៌ និងភាពស្មោះត្រង់។ តម្លៃទាំងនេះបានលេចត្រដែតឡើងនៅក្នុងប្រទេសចិន លើសលទ្ធិដទៃទៀតដូចជា លទ្ធិនីតិនិយម ឬលទ្ធិតាវ ក្នុងសម័យរាជវង្សហាន (២០៦ មុនគ.ស – គ.ស ២២០)។ ផ្នត់គំនិតរបស់ ខុងជឺ ត្រូវបានវិវឌ្ឍទៅជាប្រព័ន្ធទស្សនវិជ្ជា ដែលត្រូវបានគេស្គាល់ថា “លទ្ធិខុងជឺ”។ លទ្ធិនេះត្រូវបាននាំចូលទៅអឺរ៉ុប ដោយអ្នកបួសនិកាយយ៉េស៊ូអ៊ិតជាតិអ៊ីតាលី ឈ្មោះ Matteo Ricci ដែលបានសរសេរឈ្មោះ ខុងជឺ ជាភាសាឡាតាំងលើកដំបូងថា “Confucius” (កុងហ៊្វូស៊ីយូស)។
![Related image](https://arthop.s3.amazonaws.com/public/layout_images/655/desktop_Hybridity_of_Cultures__Christian_Art_in_Asia_ca3909a0.jpg)
ការបង្រៀនរបស់គាត់ អាចត្រូវបានគេប្រទះឃើញនៅក្នុងចំណានអក្សរសាស្ត្រ ខុងជឺ គឺជាការប្រមូលផ្ដុំសម្រង់សុភាសិតខ្លី ដែលត្រូវបានគេចងក្រងឡើងអស់រយៈពេលជាច្រើនឆ្នាំក្រោយមរណភាពរបស់គាត់។ ប្រវត្តិសាស្ត្រសម័យទំនើបមិនជឿថា មានឯកសារជាក់លាក់ណាមួយអាចបញ្ជាក់បានថា ត្រូវបានសរសេរដោយ ខុងជឺ នោះឡើយ។ ប៉ុន្តែអស់រយៈពេលជិត ២,០០០ មកនេះ គាត់ត្រូវបានគេជឿថាជាអ្នកកែសម្រួល ឬជាអ្នកនិពន្ធនូវគម្ពីរបុរាណទាំងប្រាំ ដូចជា គម្ពីរប្រតិបត្តិបញ្ញត្តិសាសនាបុរាណ Classic of Rites (五經) (អ្នកកែសម្រួល) និងគម្ពីរនិទាឃៈរដូវនិងសរទរដូវ Spring and Autumn Annals (春秋) (អ្នកនិពន្ធ)។
រហូតមកដល់ពេលនេះ គ្រប់ទស្សនវិជ្ជារបស់លោកបានជះឥទ្ធិពលយ៉ាងខ្លាំងលើសកលោក រួមទាំងប្រទេសកម្ពុជាយើងផងដែរ។ នៅក្នុងនោះ ក៏មានអ្នកដែលកំពុងតែអាននេះដូចគ្នា។ យើងទាំងអស់គ្នាអាចដឹងថា ទោះបីគាត់ស្លាប់បាត់បង់ជីវិតក៏ពិតមែន ប៉ុន្តែទ្រឹស្តី និងទស្សនវិជ្ជារបស់លោកនៅតែដើរតួនាទីសំខាន់ក្នុងការទូន្មានអប់រំមនុស្សជាច្រើន៕